"Pahayag ni Trillanes at Carandang, Peke" -Panelo

Lawyer Salvador Panelo ( Photo Credit to philstar.com)


Fresh News: Sinabi ni Chief Presidential Legal Counsel, Salvador Panelo na ang pagtanggi ng Anti-Money Laundering Council (AMLC) sa pagbibigay ng ulat tungkol sa "bank transactions" ni Pangulong Rodrigo Duterte ay nagpapatunay lamang na peke and mga alegasyon ni Senador Antonio Trillanes at Deputy Ombudsman Arthur Carandang.

Pahayag ni Panelo sa isang panayam sa radyo, “Sa madali’t sabi, peke iyong mga attachment na inilagay ni Trillanes sa kanyang complaint, peke din iyong mga pahayag ni Deputy Ombudsman [Arthur] Carandang,”

Sinabi ito ni Panelo matapos itanggi ng AMLC na sila ay nagbigay ng detalye ng "bank transaction history" ng Pangulo sa Ombudsman, na diumano ay nagiimbestiga sa pinaghihinalaang natatagong yaman ng Pangulo.

Ayon sa AMLC, "It (AMLC) has neither provided the Office of the Ombudsman with any report as a consequence of any investigation of subject accounts for any purpose."

Samantala, nagbigay ng kanyang pahayag at pagkadismaya si Panelo sa maagang pagsiwalat ni Carandang sa diumano'y mga dokumentong hawak ng Ombudsman. Sinabi niya na ang ginawang iyon ni Carandang ay laban sa Code of Conduct and Ethical Standards of Pubic Officials and Employees.

Matatandaang sinabi ni Carandang na nakatanggap ang kanilang ahensya ng "bank records" ng Pangulo mula 2006 hanggang 2016 galing sa AMLC.

Ani nya, "We can confirm that we received bank transactions from AMLC. There were P40 millions ... P50 million ... there were many."

Dahil dito binalaan ni Panelo si Carandang ukol sa kanilang panuntunan at pagpapatupad ng mga panuntunan na ito. Sabi ni Panelo na mukhang nakakalimutan nya na ito.

Ani Panelo, “We’re just reminding him of their own internal rules, rules implementing the law. He might have forgotten it.”

Si Carandang ay nagsilbing "chair" ng Anti-Corruption and Transparency Network (ACT-NET) noong APEC 2015. Naging parte din sya ng pagbalangkas noong 2003 sa United Nations Convention on Corruption at ngayon ay isa sa nagiimbestiga sa sinasabing tagong yaman ng pangulo kasama si Senador Trillanes na noon pa man ay nagsabi na merong hindi maipaliwanag na yaman ang Pangulong Duterte.

Noong Pebrero, ipinagdiinan ni Trillanes ang kanyang salaysay at ipinakita ang kopya ng mga dokumento ng bangko na pinaniniwalaan nyang pagaari ni Pangulong Duterte.

Samantala, sinabi ni Pangulong Duterte na maaaring magpasagawa sya ng imbestigasyon tungkol sa hinihinalang korapsyon sa Office of the Ombudsman na inakusahan nyang mas kinikilingan ang Liberal party.



Source: philstar.com



Comment your thoughts. Like and Share the article

Please like & follow https://www.facebook.com/freshnewspinoy for more Fresh News and Trending Info for all Pinoys Around the Globe. Thank you!

No comments:

Post a Comment